Sulmohen doganierët në Jarinë, Policia jep detaje

Policia e Kosovës e ka konfirmuar se përmes zyrtarëve kufitarë ka pranuar informacion se në pikë kalimin kufitar Jarinje, sot në orët e pasdites, një predhë e fishekut të armës së zjarrit ka goditë një kontenjerë i cili shërben për zyrtarët kufitar të policisë kufitare dhe doganierëve të RKS.

Bazuar në informacionet e para, predha dyshohet se ka ardhë nga drejtimi i fshatit Tusnica i Serbisë. Nuk raportohet për ndonjë person të lënduar, përderisa hetimet lidhur me rastin kanë filluar

Baki Kelani-zëdhënës i policisë raporton për Telegrafi

Kelani ka shtuar se puna dhe qarkullimi në këtë pikë kalim kufitar të përbashkët e cila gjendet në territorin e Serbisë, sipas marrëveshjes për menagjim të integruar të kufirit po vazhdon pa problem.