E hënë, 5 Dhjetor, 2022
spot_img

Vjosa Osmani sot takoi Sekretarin e Përgjithshëm të NATO-s

- Advertisment -spot_img

Presidentja e Kosovës, Vjosa Osmani dhe ministrja Donika Gërvalla kanë takuar sot në New-York, Sekretarin e Përgjithshëm të NATO-s, Jens Stoltenberg.

Osmani gjatë takimit theksoi se synim themelor i Kosovës mbetet anëtarësimi sa më i shpejtë në NATO.

Qëllimi ynë është të bëhemi pjesë e infrastrukturës globale të sigurisë, duke kontribuar për paqen.

Vjosa Osmani – Presidente e Kosovës

Osmani ka folur edhe për Forcën e Sigurisë së Kosovës, që sipas saj është e përgatitur në përputhje me standardet e NATO-s.

Ne jemi krenarë që ushtarët tanë po marrin pjesë së bashku me ushtarët e Forcave të Armatosura të SHBA-së në një mision të përbashkët ushtarak në Kuvajt. Ky mision, i pari i këtij lloji për Kosovën, është dëshmi e gatishmërisë sonë për të kontribuar në paqen dhe sigurinë globale.

Shtoi Osmani

Sipas njoftimit, Sekretari i NATO–s, Stoltenberg, e falënderoi Kosovën për strehimin e përkohshëm të refugjatëve afganë, bashkëpunëtorë të NATO-s dhe e vlerësoi veprimin e saj si shembull të bashkëpunimit dhe të koordinimit me aleatët.

Osmani po qëndron në New-York dhe ka takuar deri më tash shumë liderë shtetesh e organizatash në margjinat e sesionit të Asamblesë së OKB-së./observeri/

Lexo edhe: Aktakuzë kundër shtatë personave për falsifikim të parasë dhe mbajtje të armëve pa leje

Artikuj të ngjashëm