E martë, 7 Dhjetor, 2021
spot_img

Vetëvendosja demanton kandidatin e LDK-së në Junik: Nuk ka asnjë marrëveshje

- Advertisment -spot_img

Lëvizja Vetëvendosje ka mohuar se ka bërë koalicion me Lidhjen Demokratike të Kosovës në komunën e Junikit.

Sekretari për Media dhe Komunikim në Lëvizjen Vetëvendosje, Arlind Manxhuka ka thënë se as organet lokale as ato qendrore nuk kanë biseduar për asnjë marrëveshje.

Organet e LVV-së, as ato lokale e as ato qendrore, nuk kanë biseduar për asnjë marrëveshje ashtu siç parashihet me rregulloret tona. Andaj nuk ka asnjë marrëveshje.

Arlind Manxhuka – Sekretari për media i LVV-së

Ndryshe, Kandidati i LDK-së për kryetar të Junikut, Ruzhdi Shehu ka thënë se është bërë koalicioni LDK-LVV në këtë komunë.

Shehu përmes një postimi në Facebook tha se ditëve në vijim do të publikojnë edhe programin e përbashkët qeverisës 2022-2025.

LDK Dega në Junik dhe LVV Qendra në Junik, kanë nënshkruar marrëveshje të bashkëpunimit mes tyre. Ditëve në vijim do të publikojmë edhe programin e përbashkët qeverisës 2022-2025, të cilin do e realizojmë deri në fund brenda mandatit tonë të parë qeverisës.

Ruzhdi Shehu – Kandidat i LDK-së për Junik

/observeri/

Lexo edhe: Ngrihet aktakuzë ndaj pesë zyrtarëve të Vitisë, dyshohen për dallavere me tenderë

Artikuj të ngjashëm