E martë, 7 Dhjetor, 2021
spot_img

Shpallen rezultatet përfundimtare për Kuvendet Komunale

- Advertisment -spot_img

Komisioni Qendror i Zgjedhjeve ka shpallur rezultatet përfundimtare të Zgjedhjeve Lokale për 38 Kuvendet Komunale, të cilat u mbajtën më 17 tetor 2021.

Sipas po këtyre rezultateve, del se Lidhja Demokratike e Kosovës dhe Partia Demokratike e Kosovës kanë më së shumti këshilltarë komunalë, nga 206 secila në tërë vendin.

Sa i përket votave për këshilltarë komunalë, LDK-ja ka marrë 170,134 vota, ndërsa PDK-ja 161,645 vota.

Lëvizja Vetëvendosje ka siguruar 193 ulëse në Kuvendet Komunale pasi ka marrë 168,084 vota.

Aleanca për Ardhmërinë e Kosovës që ka marrë 9863 vota në tërë vendin do të ketë 120 asamblistë.

Nisma në të gjithë vendin ka fituar 21 ulëse pasi ka marrë 18,455 vota.

Aleanca Kosova e Re do të ketë vetëm 8 asamblistë pasi ka marrë 10,277 vota.

Lista e pavarur Bekim Jashari do të ketë në Skenderaj 10 ulëse pasi ka marrë 6694 vota.

Lista Serbe në komunat ku ka garuar do të ketë 147 këshilltarë komunalë.

Rezultatet e detajuara mund t’i gjeni KETU

Artikuj të ngjashëm