E enjte, 2 Dhjetor, 2021
spot_img

SBAShK-u paralajmëron bllokim të sistemit arsimor e greva në janar

- Advertisment -spot_img

Punëtorët shëndetësorë kanë protestuar sot para Qeverisë së Kosovës me kërkesën për implementimin e Ligjit për Paga. Protestës i është bashkuar edhe kryetari i Sindikatës së Bashkuar të Arsimit, Shkencës dhe Kulturës (SBAShK), Rrahman Jashari, i cili ka paralajmëruar grevë në sistemin arsimor nëse nuk implementohet ky Ligj deri në janar të vitit të ardhshëm, raporton Observeri.

Kryetari i Sindikatës së Bashkuar të Arsimit, Shkencës dhe Kulturës (SBAShK), Rrahman Jashari ka paralajmëruar bllokim të sistemit arsimor nëse nuk implementohet Ligji i Pagave deri në janar të vitit të ardhshëm.

Ai ka thënë se nëse kërkesa e tyre nuk do të pranohet, atëherë gjatë vitit të ardhshëm do të hyjnë në grevë.

Ne jemi duke u përgatitur për dialog, por nëse dialogu mungon, nëse siç e tha i nderuari doktor Syla, Ligji nuk punohet bashkë me sindikatat e të filloj në janar së implementuari, atëherë sistemi arsimor do të jetë i tëri i bllokuar dhe do të kemi greva dhe do të kemi humbje orësh, për tërë këto ne nuk jemi fajtor

ka deklaruar ai.

Lexo edhe: Punëtorët shëndetësorë paralajmërojnë grevë

Jashari i ka kërkuar qeverisë që të diskutoj me ta, pasi siç ka thënë, sheshi do të jetë i mbushur plotë me protestues.

Kam ardh këtu që të sjell mesazhin e mijërave punëtorëve të arsimit të cilët i bashkëngjiten me shpirt e zemër kësaj proteste dhe kam ardh t’i them qeverisë që ta dëgjojë këtë masë njerëzish që përfaqësojnë tërë sistemin shëndetësor, të cilët koha i kthej në hero, sepse ata po luftojnë dhe kanë luftuar kundër vdekjes për të shpëtuar jetë. E lus qeverinë që të bashkohet dhe të flas me ne në mënyrë që ky shesh të mos jetë plot njerëz, në mënyrë që sistemit arsimor mos t’i kthehet greva trejavore

ka deklaruar ai.

Artikuj të ngjashëm