E enjte, 28 Tetor, 2021
spot_img

Pas aksionit në veri, Policia e Kosovës vazhdon në Zubin Potok e Zveçan

- Advertisment -spot_img

Pasi përfunduan punë në një situatë jashtëzakonisht të tensionuar, Policia e Kosovës i ka tërhequr autoblindat nga Mitrovica e veriut për ta vazhduar aksionin në Zubin Potok dhe Zveçan.

Qytetarë serbë, ashtu si në Mitrovicën e veriut, janë mbledhur në qendër të Zubin Potokut, raporton Radio Kontakt Plus, transmeton Observeri.

Njësia e e Policisë së Kosovës gjendet edhe në Zveçan. Rruga pranë “Komova kafana” është e bllokuar.

Tym është parë aty, ndërsa qytetarët serbë vazhdojnë të qëndrojnë të mbledhur aty pranë.

Më herët, automjete të blinduara të njësisë speciale të Policisë së Kosovës hynë në pjesën veriore të Mitrovicës. Qytetarët e mbledhur serbë hodhën gurë, dhe Policia u kundërpërgjigj me bombola gazi.

Serbët po ashtu i sulmuan disa prej polivëve edhe fizikisht në hyrje të një prej barnatoreve në veri.

Gjatë zhvillimeve në Mitrovicën e veriut, dëme materiale iu shkaktuan disa automjeteve civile të parkuara aty pranë./observeri/

Lexo edhe: KQZ-ja mban mbledhjen e radhës/ Rendi i ditës

Artikuj të ngjashëm