E hënë, 23 Maj, 2022
spot_img

Minxhozi flet për takimin mes Kurtit dhe Ramës

- Advertisment -spot_img

Ambasadori i Shqipërisë në Kosovë, Qemajl Minxhozi, ka thënë se në takimin mes kryeministrit të Kosovës, Albin Kurtit dhe atij të Shqipërisë, Edi Ramës që u zhvillua të hënën nuk u bisedua për “Ballkanin e Hapur”.

Ai ka thënë se në atë takim dy orësh u bisedua për zhvillimin e marrëdhënieve mes dy shteteve.

Vizita e delegacionit të Qeverisë së Shqipërisë është shumë e shpejtë. Kjo është vizita e parë që është bërë në një shtet nga Rama prej momentit kur e ka marrë mandatin e tij. Kjo tregonte se dëshira e Tiranës për t’u takuar ishte një realitet i domosdoshëm, kjo ishte një vizitë e dakorduar që u bë menjëherë pas urimit dhe ftesës së Kurtit për Ramën i cili u përgjigj menjëherë.

Qemajl Minxhozi – Ambasador i Shqipërisë në Kosovë, për Klan Kosova

Sipas Minxhozit takimi shënon një etapë të re të bashkëpunimit mes vendeve.

Kjo është një vizitë e cila i përmbush të gjitha parametrat për njerëzit e Kosovës dhe Shqipërisë që dëshironin një etapë të re të bashkëpunimit, pavarësisht një luhatje momentale. Në takimin e Prishtinës mes Ramës dhe Kurtit nuk është cekur fare tema e “Open Ballkans”, flas për takimin e parë që zgjati rreth dy orë në kryeministri.

Shtoi Minxhozi

Tutje u fol për për zhvillim të marrëdhënieve pavarësisht problemeve periferike, për të cilat vendet nuk bien dakord.

Aty u diskutuar si të rrisim tempin e marrëdhënieve mes Kosovës dhe Shqipërisë ku fushat që çalojmë dhe çfarë duhet të bëjmë më tepër. Ka qenë një bisedë gjithëpërfshirëse, rol të rëndësishëm kanë luajtur raportimet e ministrave respektiv. Është shumë e rëndësishme që marrëdhëniet midis nesh të zhvillohen ne thelb, pavarësisht që mund të ketë ndonjë problem periferik që nuk biem dakord, por çështjet e tjera nuk na pengojnë që të zhvillojmë marrëdhënie intensive dhe vëllazërore.

Përfundoi Minxhozi

/observeri/

Lexo edhe: Numri i të shtruarve nëpër spitalet e Kosovës

Artikuj të ngjashëm