E enjte, 2 Dhjetor, 2021
spot_img

Kryetari i SPD-së në Frodenber/Ruhr, Gjermani, ofron Buxhet shtesë nëse fiton kandidati i LVV-së në Shtime

- Advertisment -spot_img

Në rrjetin e tij në facebook, kandidati i Lëvizjes VETËVENDOSJE! Qemajl Aliu ka publikuar letrën mbështetëse nga Kryetari i SPD-së në Gjermani. Ai në letrën e dërguar ofron buxhet shtesë për komunën e Shtimes vetëm në rast se këtë komun e fiton kandidati i LVV-së.

Klaus Böning, kryetar i SPD-së në Frödenberg\Ruhr ka uruar Dr.Qemajl Aliun për fitoren në raundin e parë në zgjedhjet komunale në Kosovë. Ai u shpreh i gëzuar “që një Mjek gjermanfolës dhe Social-Demokrat ka mundësinë që të bëhet kryetar i komunës së Shtimes në Republikën e Kosovës më14 nëntor.” Ai gjithashtu u shpreh i gatshëm që Frödenberg\Ruhr e Gjermanisë të ndaj buxhet për Komunën e Shtimes për të zhvilluar bashkëpunim në të ardhmen nëse Qemajl Aliu zgjidhet kryetar.

Letra e Plotë:

I nderuari z. Dr. Qemajl Aliu,

Së pari ju urojmë për fitoren e bindshme me 45.29% në raundin e parë të zgjedhjeve komunale në vendin tuaj të lindjes dhe gëzohem që një Mjek gjermanfolës dhe Social-Demokrat ka mundësinë që të bëhet kryetar i komunës së Shtimes në Republikën e Kosovës me 14 nëntor.

Në kontaktin tonë të deritanishëm ju keni shprehur interes për një bashkëpunim konkret, që pas zgjedhjes si kryetar i komunës të bashkëpunojmë sidomos në përvojën tonë në shërbimet e interesit të përgjithshëm. Në gëzohemi që ju dëshironi të jeni një urë mes dy qyteteve, dhe për këtë ne planifikojmë që nëse zgjidheni si kryetar të:

Të ndajmë mjete financiare për një bashkëpunim mes komunave tona, që të ndërtojmë një bazë për një bashkëpunim të mëtejshëm.Ne ju urojmë sukses dhe do të gëzoheshim të ju mirëpresim vitin e ardhshëm këtu si kryetar të Komunës së Shtimes.

Klaus Böning

Kryetar i SPD-së në Këshillin e Qytetit Frödenberg\Ruhr

/observeri/

Lexo edhe: Rruga te ‘Kafet e Rakisë’ në Prishtinë do mbyllet për makina

Artikuj të ngjashëm