E hënë, 25 Tetor, 2021
spot_img

Memli Krasniqi takohet me kandidatët e PDK-së për kryetar të komunave

- Advertisment -spot_img

Kryetari i Partisë Demokratike të Kosovës, Memli Krasniqi, ka takuar të dielën kandidatët për kryetar të të komunave dhe shefat e shtabeve zgjedhore të kësaj partie, ku kanë diskutuar për kujdesin e shtuar dhe respektimin e rekomandimeve shëndetësore në këtë periudhë pandemie, në procesin zgjedhor të zgjedhjeve lokale.

Lideri i opozitës ka shkruar në llogarinë e tij në Facebook se kandidatët e PDK-së do të shpalosin para qytetarëve planet dhe projektet e tyre politike dhe pas 17 tetorit, qytetarët do të kenë adresë të mirëfilltë për të jetësuar aspiratat e tyre në të gjitha komunat e Kosovës.

Postimi i tij i plotë:

Në zgjedhjet lokale të 17 tetorit, krahas procesit demokratik zgjedhor, e kemi për obligim të tregojmë kujdes të shtuar dhe të respektojmë rekomandimet e institucioneve shëndetësore në këtë periudhë pandemie.

Për këtë qëllim, sot kam takuar të gjithë kandidatët për kryetar komune nga radhët e PDK-së, si dhe të gjithë shefat e shtabeve zgjedhore, që të marrin masa për t’iu përmbajtur të gjitha rekomandimeve shëndetësore gjatë procesit zgjedhor që kemi para vetes.

Duke respektuar rregullat përkatëse, kandidatët tanë do të shpalosin para qytetarëve planet dhe projektet e tyre politike dhe pas 17 tetorit, qytetarët do të kenë adresë të mirëfilltë për të jetësuar aspiratat e tyre në të gjitha komunat e Kosovës.

Artikuj të ngjashëm