E enjte, 20 Janar, 2022
spot_img

Kjo është gjendja e foshnjeve të shtrira në QKUK, nënat e të cilave dolën pozitiv me COVID-19

- Advertisment -spot_img

Foshnja e 26-vjeçares nga Komuna e Vitisë e cila ka vdekur të dielën si pasojë e infektimit me koronavirus po vazhdon të jetë në gjendje më të rëndë shëndetësore. Foshnja është i intubuar me respirator.

Kështu ka bërë të ditur ushtruesja e detyrës së e drejtoreshës së Klinikës së Neonatologjisë në Qendrën Klinike Universitare të Kosovës,  Hajrije Ismaili  e cila tha se aktualisht në këtë klinik po trajtohen edhe dy foshnje të tjera që janë negative por që nënat e tyre janë me koronavirus.

Për këto dy foshnje Ismaili tha se kanë gjendje stabile shëndetësore.

Ditët e fundit në Klinikën e Neonatologjisë kemi pasur pranime të foshnjave të nënave COVID pozitiv, të gjitha foshnjat kanë rezultuar negative dhe gjendja e tyre e pothuajse të gjithave ka qenë stabile përveç një foshnje e cila është në gjendje të rëndë dhe që në momentin e lindjes ka qenë në gjendje të rëndë dhe vazhdon të jetë në ventilim mekanik. Aktualisht i kemi tre foshnje, dy prej tyre janë në gjendje stabile dhe 1 një gjendje të rëndë. ai është negativ por qysh në lindje ka qenë në gjendje të rëndë dhe vazhdon të jetë në gjendje të rëndë, Gjendja e nënës gjatë lindjes ka qenë e rëndë edhe foshnja ka qenë në gjendje të  rëndë.

Hajrije Ismaili, Neoatologe

Ismaili ka deklaruar se gjatë këtij viti në Klinikën e Neonatologjisë pozitiv kanë rezultuar 6 foshnja, prej tyre 1 ka vdekur javën e kaluar.

Lexo edhe: Kryetari i Gjakovës reagon për vdekjen e dy fëmijëve në Gjakovë

Gjatë periudhës së vitit 2021 kemi pasur 6 foshnje të cilat kanë rezultuar COVID-19 pozitiv, të gjitha janë liruar në gjendje të mirë  përveç 1 e cila ka qenë në gjendje të rëndë  dhe ka ndërruar jetë. ky është rasti i dytë që një foshnje ka ndërruar jetë, rasti i parë ka ndodhur në vitin e kaluar dhe tani për këtë vit është 1 rast.

Hajrije Ismaili, Neoatologe

Neonatologia, Hajrije Ismajli ka apeluar që të vaksinohen të gjitha nënat gjidhënëse, derisa tha se edhe ato nëna që janë të infektuara me COVID mund t’i ushqejnë me qumësht të gjiritë të sapolindurit por që gjithsesi duhet respektuar masat anti-COVID.

Varësisht nga gjendja e foshnjës nëse foshnja ka nevojë për trajtim bëhet trajtimit sipas të gjeturave klinike, laboratorike dhe radiologjike ndërkaq foshnjat që janë në gjendje stabile bëhet përkujdesje rutinore. Rekomandimet janë që foshnjat të ushqehen nga nënat COVID-19 me masa të shtuara me mbajtje të maskës me higjienë madje  edhe në po të njëjtën dhomë mund të qëndroj foshnja së bashku me nënën. Nënat gjidhënëse duhet të vaksinohen, prandaj bëjmë apel tek nënat gjidhënëse dhe i inkurajojmë të vaksinohen.

Ismaili, specialiste e Neonatologjisë në QKUK.

Ushtruesja e detyrës së drejtoreshës së Klinikës së Neonatologjisë në Qendrën Klinike Universitare të Kosovës (QKUK),  Hajrije Ismaili thotë se në këtë Klinik vërehet rënie e lindjeve krahasuar me vitet e kaluara.

Respektivisht nga vitet e kaluara kemi një rënie por nuk është përqindje sinifikante.

Në Kosovë shifra e personave të vdekur nga koronavirusi vazhdojnë të jenë dyshifrore. Brenda 24 orëve të fundit, kanë ndërruar jetë 28 persona, derisa pozitiv me COVID kanë rezultuar 920 persona.

/Observeri/

Artikuj të ngjashëm