E enjte, 19 Maj, 2022
spot_img

Ish-ambasadori amerikan në Beograd: SHBA-ja vazhdon të punojë për Kosovën

- Advertisment -spot_img

Ish-ambasadori amerikan në Beograd, Cameron Munter tha se fakti që Serbia nuk e ka njohur pavarësinë e Kosovës e pengon atë që ta marrë vendin e saj në Evropë dhe, siç thotë ai, ta ndërtojë një të ardhme paqësore dhe prosperuese për qytetarët e saj.

Munter thotë se Shtetet e Bashkuara i kanë inkurajuar vendet e tjera që nuk e kanë njohur Kosovën ta bëjnë këtë që nga viti 2008, dhe thekson se SHBA-ja po përpiqet të punojnë ngushtë me aleatët e saj për Kosovën.

Duke iu përgjigjur pyetjes së agjencisë serbe të lajmeve,Tanjug nëse dhe SHBA-ja po u bën presion vendeve, veçanërisht atyre anëtare të BE-së për ta njohur Kosovën, Munter tha:

Supozoj se Shtetet e Bashkuara vazhdojnë ta bëjnë këtë, veçanërisht në marrëveshje me shumicën e vendeve të BE-së që gjithashtu e njohin Kosovën.

Cameron Munter – Ish ambasador i SHBA-ve në Beograd

I pyetur nëse pret që një i dërguar i ri amerikan për dialogun Kosovë-Serbi të emërohet së shpejti dhe nëse kjo do të thotë që SHBA-ja të përfshihet më shumë në këtë proces, Munter tha se i dërguari i mundshëm duhet të përqëndrohet më shumë në propozimet konkrete për reformat në Ballkan.

Unë do të përqendrohesha më shumë në propozimet konkrete të reformës në Ballkan, zgjidhjen e çështjeve të ndezura të qeverisjes dhe zhvillimit ekonomik, sesa në nismat institucionale.

Tha Munter

Duke komentuar pikat e mbetura për t’u zbatuar nga Marrëveshja e Washingtonit e nënshkruar në shtator të vitit 2020 dhe se sa detyruese është ajo për administratën e Joe Biden, Munter tha beson se marrëveshja është planifikuar dhe ekzekutuar dobët që nga fillimi.

Kjo ndodhi kryesisht për qëllime politike të brendshme amerikane – duke mos pasur parasysh synimet serioze të politikës së jashtme.

Përfundoi Munter

Munter shërbeu si ambasador i Shteteve të Bashkuara në Pakistan nga viti 2010 deri në vitin 2012, gjatë kohës së sulmit në të cilin u vra Osama bin Laden. Ai ishte ambasadori i SHBA-së në Serbi nga viti 2007 deri në vitin 2009, kur Kosova u bë e pavarur./observeri/

Lexo edhe: Kurti: Vota për numrin 144 është votë që i jep shans zhvillimit dhe drejtësisë në komunat tona

Artikuj të ngjashëm