E hënë, 16 Maj, 2022
spot_img

Vendim i Qeverisë, 1500 euro për secilën familje kosovare që kanë humbur familjarin nga COVID-19

- Advertisment -spot_img

Ministria e Financave, Punës dhe Transfereve njofton se ka hapur aplikimet për familjet që kanë humbur personat nga COVID-19.

Ministri i Financave, Punës dhe Transfereve Hekuran Murati ka nënshkruar sot vendimin për përcaktimin e kritereve dhe kushteve lidhur me operacionalizimin e masës 3.1 të Pakos së Ringjalljes Ekonomike – Mbështetja për familjet që kanë humbur familjarin nga COVID-19.

Në zbatim të masës 3.1, secilës familje që ka humbur familjarin si pasojë e infektimit me COVID-19 do t’i ofrohet mbështetje financiare në vlerë prej 1,500 euro. Sidoqoftë, duke konsideruar që stafi mjekësor në sektorin publik ka bartur barrën kryesore në ruajtjen e shëndetit publik, dhe gjatë ushtrimit të detyrës zyrtare kanë qenë drejtpërdrejtë të rrezikuar nga virusi COVID-19, familjet e tyre do të kenë një mbështetje të veçantë

thuhet në njoftim, përcjell Observeri.

Aplikimi për masën 3.1 dhe do të bëhet në mënyrë elektronike në https://masa3-1.rks-gov.net dhe do të jetë i hapur deri më datë 30 nëntor 2021.

MFPT thotë se aplikimet trajtohen në baza javore, sipas radhës së aplikimit.

Dokumentet e nevojshme për aplikimin elektronik janë:
– Certifikata e regjistrit civil përmes së cilës vërtetohet lidhja familjare e aplikuesit me të vdekurin dhe
– Kopja/fotografia e faqes së pasme të letërnjoftimit të aplikuesit.

Vlen të theksohet që pas datës 1 tetor 2021, ata që humbin familjarin nga infektimi me COVID-19 mund të përfitojnë mbështetje nga masa 3.1, vetëm nëse familjari i vdekur ka qenë i vaksinuar me të dy dozat e vaksinës kundër COVID-19.

Artikuj të ngjashëm