E martë, 25 Janar, 2022
spot_img

Edhe sot do të vazhdojnë bisedimet Kosovë-Serbi në Bruksel

- Advertisment -spot_img

Edhe pse shefi i delegacionit të Kosovës për dialog me Serbinë, Besnik Bislimi është kthyer në Kosovë, të enjten do të vazhdojnë diskutimet me delegacionet e Kosovës dhe Serbisë dhe se akoma nuk është arritur ndonjë marrëveshje, ndonëse ka pasur përparim për targat e automjeteve.

Delegacioni serb vazhdon të qëndrojë në Bruksel, ku deri në orët e mbrëmjes të mërkurën ka pasur takime me të Dërguarin e Posaçëm të Bashkimit Evropian për dialog, Mirosllav Lajçak, shkruan REL, transmeton Observeri.

Bislimi, pas përfundimit të bisedimeve që ka pasur gjatë tërë ditës së mërkurë, ka thënën se është arritur pajtueshmëri për një draft-marrëveshje, e cila do të siguronte uljen e tensioneve dhe një zgjidhje të përkohshme për çështjen e targave.

Kemi arritur te një draft përfundimtar, i cili është dakorduar pothuajse në tërësi. Ka mbetur vetëm që pala serbe të japë dakordimin final, nëse po, mund të fillojë zbatimi i marrëveshjes shumë shpejt.

Besnik Bislimi – Shefi i delegacionit të Kosovës për dialog me Serbinë

Por delegacioni i Serbisë deri të mërkurën vonë nuk e ka pranuar tekstin e marrëveshjes prandaj pritet që diskutimet të vazhdojnë edhe të enjten.

BE-ja tha se do të bisedohet edhe me palën kosovare ndërsa në vërejtjen se “ata janë kthyer në Kosovë” janë përgjigjur se “teknologjia e mundëson të bisedohet edhe me ata që nuk janë fizikisht të pranishëm në Bruksel”, duke paralajmëruar se edhe me Besnik Bislimin do të ketë diskutime përmes lidhjes telefonike.

Delegacioni serb udhëhiqet nga drejtori i Zyrës për Kosovën në Qeverinë e Serbisë, Petar Petkoviq.

Sipas asaj që është thënë të mërkurën në Bruksel, teksti i draft-marrëveshjes me të cilën është pajtuar pala e Kosovës, parasheh që në një fazë kalimtare prej gjashtë muajsh targat e veturave të mos hiqen dhe ndërrohen, por vetëm të mbulohen me një letër ngjitëse./observeri/

Artikuj të ngjashëm