E martë, 29 Nëntor, 2022
spot_img

Daut Haradinaj flet për dosjet e UÇK-së

- Advertisment -spot_img

Kandidati i AAK-së për kryetar të Prishtinës, Daut Haradinaj, e ka quajtur të çuditshme temën e dosjeve 22 vjet pas luftës.

Haradinaj ka thënë se UÇK-ja nuk ka pasur dosje dhe të gjitha materialet i janë dorëzuar NATO-s në kohën e çmilitarizimit të UÇK-së.

Haradinaj në Radio Prishtina tha se:

Më të thënë të drejtën, është e çuditshme që në vitin 2021 diskutohen temat e dosjeve, me sa jam i informuar. UÇK-ja nuk ka pasë asnjëherë dosje të mbyllura, kanë qenë publike, pjesa më e madhe e atyre materialeve janë dorëzuar në NATO në kohën e çmilitarizimit dhe të transformimin të UÇK-së në TMK. Një prej tyre që e kam udhëhequr këtë proces jam vetë në Zonën e Dukagjinit. Të gjitha materialet, dosjet, armatimi, i kemi depozituar te KFOR-i.

Ai tha se institucionet e Kosovës kanë rënë pre e politikave të Millosheviqit, që qeverisin aktualisht në Serbi.

Lexo edhe: Deri me këtë datë priten të vazhdojnë masat anti-Covid në Kosovë

Nuk di çka nënkupton nga kjo, ose çka kërkohet përmes këtyre dosjeve, por megjithatë institucionet tona kanë rënë pre e politikave të Millosheviqit që e qeverisin Serbinë. Është dashur të jenë më të kujdesshëm, ne kemi arsye të kërkojmë hapjen e dosjeve në Serbi, sepse kërkojmë të zhdukurit, por nuk guxojmë të themi që ‘hajde të hapim dosje’, sepse ne po barazohemi me ushtrinë jugosllave.

/Observeri/

Artikuj të ngjashëm