E mërkurë, 20 Tetor, 2021
spot_img

Auditores së Përgjithshme i aprovohet kërkesa për ulje të pagës

- Advertisment -spot_img

Komisioni për Buxhet, Punë dhe Transfere ka aprovuar kërkesën e Auditorës së Përgjithshme, Vlora Spanca, për uljen e pagës në 2 mijë e 800 euro.

Kryetari i këtij Komisioni, Armend Muja, tha se Auditorja e Përgjithshme ka kërkuar që t’i ulet paga prej 3 mijë e 835 në 2 mijë e 800 euro.

Deputeti Eman Rrahmani tha se nuk është etike që të përzihen në kërkesën e vet Auditores së Përgjithshme.

Ka qenë vetiniciativë dhe nuk është etike nga ne të përzihemi në këtë pjesë apo të ndryshojmë pasi është diçka simbolike dhe të lihet vlera e asaj që ka kërkuar pra 2 mijë e 800 euro. Nuk duhet që të ndikojmë edhe tek dikush që ndoshta kërkon ulje page dhe me u ndikua që ne mundemi edhe më shumë t’i ulim.

Eman Rrahmani – Deputet

U përcaktua që në bazë të ligjit, Auditores së Përgjithshme t’i caktohet paga prej 2 mijë e 800 euro bruto.

Auditorja e Përgjithshme, Vlora Spanca, gjatë fjalës së saj në këtë komision tha se priten të raportohen deri në 134 raporte të auditimit gjatë punës në vazhdim.

Priten të raportohen 134 raporte të auditimit dhe raporte të tjera që kanë të bëjnë me resurse njerëzore. Deri ne fund të vitit do dërgohen raporte edhe tek Ministria e Drejtësisë raporte konfidenciale për dhomat e specializuara të gjykimeve.

Vlora Spanca – Auditore e Përgjithshme

Muja e pyeti Auditoren e Përgjithshme, duke i thënë se shumë shqetësuese është çështja e cilësisë së derivateve të ujit. Spanca iu përgjigj deputetit Muja e cila tha se janë 134 auditime dhe tashmë stafi janë të alokuar tek auditimet mandatore për t’i kryer obligimet me ligj./observeri/

Lexo edhe: Shala për krizën energjetike: Kosova të mos i mbyllë sytë, të veprojë

Artikuj të ngjashëm