E hënë, 6 Dhjetor, 2021
spot_img

Arrestohet një shtetas i Serbisë, i dyshuar për veprën penale ‘Dhënie të Ryshfetit’

- Advertisment -spot_img

Policia e Kosovës përmes një komunikate për media ka njoftuar se një shtetas i Serbisë u ka ofruar ryshfet Policisë së Trafikut në Ferizaj, përcjell Observeri.

Sot me datë 23.09.2021 Drejtoria për Hetimin e Krimeve Ekonomike dhe Korrupsionit – Njësia Rajonale për Hetimin e Krimeve Ekonomike dhe Korrupsionit – Ferizaj, janë njoftuar në lidhje me një rast “Dhënia e ryshfetit”.

Një qytetar mashkull, deri sa ishte duke vozitur kamionin në qytetin e Ferizaj, është ndaluar Policia e Trafikut pasi e kishte përdorë telefonin gjatë ngasjes.

Me të kërkuar dokumentet e automjetit dhe patentë shoferin, i dyshuari R.V, (1962), mashkull, shtetas i Serbisë, në vend se paraqes dokumentet e kërkuara, kishte nxjerr kartëmonedhën në vlerë dhjetë (10) Euro.

Lexo edhe: Arrestohet një person, i dyshuar për veprën penale ‘Mashtrimi me subvencione ’ për gjatë 3 viteve të fundit/ Detaje nga policia

Zyrtari Policor i kishte tërhequr vërejtjen, duke kërkuar përsëri dokumentet e nevojshme, mirëpo i dyshuari prapë, së bashku me dokumente përsëri ua kishte ofruar kartëmonedhën e njëjtë prej dhjetë euro.

Në këtë rast zyrtarët policor e kishin urdhëruar të zbresë nga automjeti transportues, të njëjtin e kishin arrestuar dhe dërguar në Stacionin Policor në Ferizaj.

Me këto veprime i dyshuari dyshohet se ka kryer veprën penale: “Dhënie të Ryshfetit” nga neni 422 i KPRK-së.

Në konsultim me Prokurorin, i dyshuari është intervistuar në prezencë të përkthyesit të licencuar dhe avokatit mbrojtës. Poashtu me vendim të prokurorit është inicuar rasti për Dhënie të Ryshfetit, ndërsa i dyshuari është liruar në procedurë të rregullt.

/Observeri/

Artikuj të ngjashëm