E hënë, 25 Tetor, 2021
spot_img

Ambasada e SHBA-së dënon sulmet ndaj Policisë së Kosovës dhe gazetarëve në veri të Mitrovicës

- Advertisment -spot_img

Ambasada amerikane në Prishtinë, ka reaguar për sulmet ndaj Policisë së Kosovës dhe mediave në veri të Mitrovicës, pas aksionit anti-kontrabandë në 4 lokacione në Kosovë.

Një zëdhënës i Ambasadës së Shteteve të Bashkuara në Prishtinë ka thënë se Washingtoni është i shqetësuar me mënyrën se si është kundërshtuar sot përpjekja e institucioneve të Kosovës për të vendosur rend dhe ligj në të gjithë territorin e Kosovës.

SHBA’ja është e shqetësuar nga përgjigja që ju dha sot aksioneve për zbatimin e ligjit të Kosovës në territorin e Kosovës. E gjithë dhuna, e drejtuar qoftë ndaj autoriteteve, mediave, ose qytetarëve, është e papranueshme dhe duhet të hetohet dhe ndiqet penalisht deri në zbatimin e plotë të ligjit. Bëjmë thirrje për qetësi

ka thënë ky zëdhënës për Express i pyetur për zhvillimet e ndodhura gjatë aksionit të Policisë së Kosovës kundër kontrabandës në veri të Kosovës.

Ndërsa, reagim krejt tjetër ka pasur kryediplomati i BE’së, Josep Borell, i cili ka thënë janë të papranueshme veprimet e njëanshme që cënojnë sigurinë.

Incidentet e dhunshme në veri të Kosovës duhet të ndalen menjëherë. Aksionet e njëanshme dhe të pakoordinuara që rrezikojnë stabilitetin janë të papranueshme. Të gjitha çështjet e hapura duhet të adresohen përmes Dialogut të lehtësuar nga BE. Ne jemi në kontakt me Beogradin dhe Prishtinën

ka shkruar ai në një postim në Twitter.

Artikuj të ngjashëm