E martë, 7 Dhjetor, 2021
spot_img

Ambasada e Serbisë i reagon kryediplomates shqiptare që e përmendi njohjen reaciproke Kosovë-Serbi

- Advertisment -spot_img

Ambasada e Serbisë në Shqipëri e ka falenderuar sot ministren e Jashtme të Shqipërisë, Olta Xhaçka për gatishmërinë e shprehur për t’i forcuar lidhjet mes dy vendeve, me mesazhin se “ndërhyrja në punët e brendshme të të tjerëve nuk ndihmon”.

Mesazhi në fund erdhi pasi kryediplomatja shqiptare e përmendi njohjen reciproke mes Kosovës dhe Serbisë, si çelës për ndërtimin e një të ardhmeje të qëndrueshme dhe të begatë për Ballkanin Perëndimor.

Faleminderit, zonja Ministre, që shprehët gatishmërinë për t’i forcuar lidhjet – ne besojmë në tejkalimin e së kaluarës përmes bashkëpunimit dhe respektit. Ne gjithashtu besojmë se ka gjithmonë hapësirë për përmirësimin e bashkëpunimit, për sa kohë që ai bazohet në respekt – ndërhyrja në punët e brendshme të njëri-tjetrit nuk ndihmon.

Ambasada e Serbisë

Xhaçka sot u takua me ambasadorin e ri të Serbisë në Shqipëri, Sllobodan Vukçeviq dhe me këtë rast ka shkruar në Twitter se njohja reciproke ndërmjet Kosovës dhe Serbisë është çelësi për ndërtimin e një të ardhmeje të qëndrueshme dhe të begatë të Ballkanit Perëndimor.

E mirëprita ambasadorin e Serbisë në Shqipëri, Sllobodan Vukçeviq. Shqipëria dhe Serbia kanë bërë përparim të dukshëm në lënien pas të kaluarës së vështirë. Ka ende punë për të bërë për të përmirësuar bashkëpunimin dhe lidhjet dypalëshe. Marrëdhëniet miqësore mes Shqipërisë dhe Serbisë, njohja reciproke mes Kosovës dhe Serbisë janë çelësi për ndërtimin e një të ardhmeje të qëndrueshme dhe të begatë për Ballkanin Perëndimor.

Olta Xhaçka – Ministre e Jashtme e Shqipërisë

/observeri/

Lexo edhe: Situata e helmimeve në Krujë vazhdon të jetë shqetësuese edhe ditën e sotme

Artikuj të ngjashëm