E mërkurë, 30 Nëntor, 2022
spot_img

Afro 300 gra shtatzëna janë hospitalizuar nga COVID-19 deri tani

- Advertisment -spot_img

Drejtori i klinikës gjinekologjike, Jakup Ismaili, thotë për RTV Dukagjinin, se prej 10 ditësh për fat të mirë nuk ka më asnjë shtatzënë të hospitalizuar për shkak të coronavirusit.

Ai thotë se megjithatë numri i shtatzënave të hospitalizuara ka qenë mjaft i madh sidomos me shfaqjen e variantit Delta të coronavirusit në Kosovë.

Në këtë fazë të pandemisë kanë qenë të hospitalizuar rreth 113 paciente të prekura me coronavirus. Për fat të keq një numër prej tyre janë transferuar edhe në repartin e Mjekimit Intenziv. Edhe ne si komunitet i shtatzënave kemi pësuar mjaft nga kjo pandemi.

Jakup Ismaili – Drejtor i Klinikës Gjinekologjike

Ismaili thotë se që nga fillimi i pandemisë qindra shtatzëna janë prekur nga coronavirusi.

Rreth 300 shtatzëna kanë qenë të hospitalizuara që nga fillimi i pandemisë. Sigurisht se ka pasur më tepër të infektuara…Tek shtatzënat simptomat e infektimeve me coronavirus janë më të theksuara. Pas apelit të Shoqatës së Gjinekologëve dhe studimeve në mbarë botën, është ardhur me përfundimin se vaksina nuk paraqet asnjë komplikim për shtatzënat. Përkundrazi komplikimet janë shumë më të mëdha të shtatzënat nëse ato infektohen me coronavirus.

Shtoi Ismaili

Ai thotë më tej thotë se edhe në Kosovë nuk është vërejtur ndonjë komplikim te shtatzënat pasi janë vaksinuar.

Ai ka përmendur se aktualisht 20 shtatzëna në Gjinekologji janë të vaksinuara së paku me dozën e parë, por sipas tij një numër tjetër shumë i madh ende kanë hezitime./observeri/

Lexo edhe: Kurti takohet me Policinë e Kosovës pas angazhimit të tyre në veri

Artikuj të ngjashëm